Халықаралық ынтымақтастық нығайту – университеттің басты мақсаты

Халықаралық ынтымақтастықтың аясында жасалған меморандумға сәйкес, Аймақтық инновациялық университетінің бір топ профессор-оқытушылары мен «Бизнес және басқару» бағыты бойынша 6 студент 2025 жылдың 10-21 ақпан аралығында Мирзо Улуғбек атындағы Самарканд мемлекеттік сәулет-құрылыс университетінің академиялық ұтқырлық бағдарламасы аясында іс-сапармен барды. Іс-сапар барысында университет өкілдері Самарканд мемлекеттік университетінің ғылыми-зерттеу жұмыстары мен инновациялық жобаларымен танысып, білім беру әдістемелерінің тиімділігі туралы тәжірибе алмасты. Сонымен қатар, екі университет арасында өзара зерттеу жұмыстары мен болашақтағы ынтымақтастық мүмкіндіктері жөнінде пікір алмасып, бірқатар ғылыми ұсыныстар мен жаңа жобалар әзірленді. Бұл бағдарлама екі университет арасындағы мәдени, ғылыми және білім беру байланыстарын нығайтуға ықпал етіп, халықаралық деңгейде білім мен тәжірибе алмасудың жаңа мүмкіндіктерін ашты. Алдағы уақытта бұл іс-сапар екі елдің білім беру жүйелері арасында тұрақты әрі тиімді ынтымақтастықтың дамуына және білім мен технология алмасуды дамыту арқылы тұрақты даму мен өсуге қол жеткізуге бағытталған бірлескен жобалар мен бастамалардың іске асырылуына негіз болатынына сөзссіз.