Тарих ғылымдарының кандидаты, Аймақтық инновациялық университеті, Инженерлік-техникалық факультетінің деканы.

1973 жылы 23 мамырда Түркістан қаласында дүниеге келген. Ұлты – қазақ. Қазақстан Республикасының азаматы.

1981 жылы Түркістан қаласының № 9 Н.А. Некрасов атындағы орта мектебінің 1 сыныбына барып, 1991 жылы сол мектепті күміс медальмен аяқтаған. 1993 жылы Түркістан қаласындағы Қожа Ахмет Ясауи атындағы Халықаралық Қазақ-Түрік университетінің тарих және филология факультетіне түсіп, 1997 жылы 14 маусым күні Қожа Ахмет Ясауи атындағы ХҚТУ тарихшы, тарих пәнінің оқытушысы мамандығы бойынша үздік дипломмен аяқтаған.

1997 жылы 17 шілде күні Шымкент қаласындағы «Қайнар» университетіне тарих пәнінің оқытушысы болып қабылданып, оқу жылы барысында деканның орынбасар қызметін атқарған. 2000 жылы 1 қыркүйектен бастап Қ.А. Ясауи атындағы Халықаралық Қазақ-Түрік университетінің Шымкент бөлімінің «Қазақстан тарихы» кафедрасында аға оқытушы және кафедра меңгерушісінің орынбасары. 2001-2006 оқу жылдарында Қ.А. Ясауи атындағы Халықаралық Қазақ-Түрік университетінің Шымкент институты Тарих факультетінің тәрбие ісі жөніндегі декан орынбасары.

2007 жылы 12 қыркүйек «ХІХ ғасырдың соңы мен ХХ ғасырдың бірінші ширегіндегі Оңтүстік Қазақстандағы жер қатынастарының тарихы» тақырыбы бойынша Алматы қаласындағы Абай атындағы Қазақ Ұлттық педагогикалық университетінде ғылыми диссертациялық жұмысын табысты қорғаған. 2008 жылы 27 ақпан күні тарих ғылымдарының кандидаты ғылыми дәрежесі берілді.

2007-2010 оқу жылдарында М. Әуезов атындағы Оңтүстік Қазақстан мемлкеттік университетінің «Мәдениеттану, әлеуметтік жұмыс және музей ісі» кафедрасының доцент міндетін атқарушы, «Педагогика және мәдениет» факультетінің кәсіподақ төрағасы қызметін атқарған. 2010-2019 оқу жылдары Оңтүстік Қазақстан медициналық академиясының «Қазақстан тарихы» кафедрасының доцент міндетін атқарушы, кафедра меңгерушісінің орынбасары қызметтері бойынша жұмыс істеген. 2019-2020 оқу жылдары Аймақтық әлеуметтік-инновациялық университеті «Педагогика және өнер» факультенің деканы. 2020 -2024 оқу жылдары аралығында Шымкент университетенің «Қазақтан тарихы және жалпы білім беру» кафедрасының аға оқытушы қызметін атқарған.

18 оқу құралы, 27 оқу-әдістемелік құралдар, 60 тан астам ғылыми мақалалары жарық көрген.