Арман Бекболатұлы 1984 жылы 17 қыркүйекте Шымкент қаласында дүниеге келген. 2001 жылы Қарсыбай Сыпатаев атындағы №7 лицейді, 2001-2006 жылдар аралығында Қ.А.Ясауи университетінде «Информатика» мамандығы бойынша білім алған. 2008-2010 жылдары Академиялық инновациялық университетінде мемлекеттік және жергілікті басқару мамандығы бойынша білім алған. 2020 жылы М.Әуезов атындағы Оңтүстік Қазақстан университетінің магистратурасына түсіп, оны 2022 жылы бітірді.

Еңбек жолын 2006 жылы Оңтүстік Қазақстан политехникалық колледжінде «Есептеу техникасы және бағдарламалық қамтамасыз ету» кафедрасының оқытушысы болып бастады. 2013-2017 жылдар аралығында Оңтүстік Қазақстан политехникалық колледжінде радиоэлектроника және байланыс кафедрасының меңгерушісі қызметін атқарды. 2017-2018 жылдары Аймақтық әлеуметтік-инновациялық университетінің Компьютерлік орталығының меңгерушісі қызметін атқарды. 2018-2019 жылдары Халықаралық гуманитарлық-техникалық университетінің Коммуникациялық технологиялар орталығының жетекшісі қызметін атқарды. 2019-2020 жылдары Аймақтық әлеуметтік-инновациялық университетінің ақпараттық технологиялар бөлімінің меңгерушісі қызметін атқарды. 2020-2024 жылдары Шымкент университеті Ақпараттық-коммуникациялық технологиялар орталығының бөлім меңгерушісі қызметін атқарды.

А.Бекболатұлы орыс, түрік, ағылшын тілдерін жетік меңгерген.