1978 жылы 15 тамызда Оңтүстік Қазақстан облысы, Бәйдібек ауданы, Ақмешіт елді мекенінде дүниеге келді. 1986-1996 жылдар аралығында Оңтүстік Қазақстан облысы, Бәйдібек ауданы, Ақмешіт елді мекеніндегі Қ.Спатаев атындағы орта мектепті үздік аттестатпен бітірген.

1996-2000 жылдар аралығында Қ.А.Ясауи атындағы Халықаралық қазақ-түрік университетінің Шымкент бөлімінде «Саясаттану» мамандығы бойынша оқып, саясаттанушы, саясаттану оқытушысы біліктілігін алды. 2002-2005 жылдар аралығында Қ.А.Ясауи атындағы Халықаралық қазақ-түрік университетінің Шымкент институтында «Саясаттану» мамандығы бойынша магистратурада оқып, саясаттану магистрі академиялық дәрежесін алған.

Еңбек жолын 2001 жылы Шымкент қаласындағы Оңтүстік Қазақстан университетінің «Қоғамдық ғылымдар» кафедрасында оқытушы қызметінен бастаған.

2002-2005 жылдар аралығында Қ.А.Ясауи атындағы Халықаралық қазақ-түрік университетінің Шымкент институтында «Саясаттану» кафедрасының оқытушысы, 2005-2006 жылдар аралығында Қ.А.Ясауи атындағы Халықаралық қазақ-түрік университетінің Шымкент институтында Тарих факультеті деканының оқу-тәрбие ісі жөніндегі орынбасары, 2006-2008 жылдар аралығында Қ.А.Ясауи атындағы Халықаралық қазақ-түрік университетінің Шымкент институты директорының, Қ.А.Ясауи атындағы Халықаралық қазақ-түрік университеті президентінің көмекшісі қызметтерін атқарған.

2008-2012 жылдар аралығында Академиялық инновациялық университетінде аға оқытушы, кафедра меңгерушісі, 2012-2018 жылдар аралығында Аймақтық әлеуметтік-инновациялық университетінде аға оқытушы, оқу бөлімінің бас маманы, 2018-2019 жылдар аралығында Халықаралық гуманитарлық-техникалық университетінде оқу бөлімінің басшысы, 2019-2020 жылдар аралығында Аймақтық әлеуметтік-инновациялық университетінде Академиялық қызмет бөлімінің бас маманы қызметтерін атқарған.

2020-2024 жылдар аралығында Шымкент университеті Акдемиялық мәселелер жөніндегі департаментінің бас маманы, директордың оқу, әдістемелік және инновациялық технологиялар жұмыстары жөніндегі орынбасары қызметтерін атқарған.

1 оқу құралы, 1 оқу-әдістемелік құралы, халықаралық ғылыми конференцияларда бірнеше мақалалары жарық көрген.