Аймақтық инновациялық университетте қонақ дәрістер

2024 жылдың 26-28 қыркүйек аралығында Аймақтық инновациялық университетке Өзбекстан Республикасы, Самарқанд қаласынан Қазақстан Республикасы Ұлттық ғылым академиясының академигі, Қаракөл шаруашылығы және шөл экологиясы институты директорының ғылыми жұмыстар жөніндегі орынбасары, ауылшаруашылық ғылымдарының докторы, профессор Газиев Адхам мырза арнайы шақыртумен қонақ дәрістер өткізу мақсатында келді.

Профессор Газиев студент жастарға «Бизнес және басқару» бағыты бойынша екі ел арасындағы мәдени, ғылыми және білім-инновациялық қатынастар туралы кең ауқымды ақпарат беріп, үш күндік лекция форматында дәрістерін өткізді. Сонымен қатар, ол екі елдің экономикасын нығайту мен арақатынастарды дамыту мақсатында ірі және ауқымды жобаларды жүзеге асырудың мүмкіндіктерін көрсетіп, көптеген құнды ұсыныстар айтты.

Сонымен қатар, профессор Газиев Өзбекстан мен Қазақстан арасындағы ғылыми және технологиялық алмасудың маңызды екендігін атап өтті, бұл екі елдің бірлескен зерттеулерін жүргізуге және инновациялық шешімдер әзірлеуге жаңа мүмкіндіктер туғызады. Оның лекциялары студенттерді мәдениетаралық өзара іс-қимылды тереңірек зерттеуге ынталандырып, екі елдің тұрақты дамуына бағытталған болашақтағы халықаралық жобаларға қатысуға шабыт берді.

Бұл дәрістер жастардың көкжиегін кеңейтіп, білім алуға деген ынтасын арттырғаны сөзсіз, әрі екі ел арасындағы ғылыми ынтымақтастықты одан әрі нығайтуға зор септігін тигізді.