1984 жылы 4 қазанда ОҚО Отырар ауданы, Қоғам ауылында дүниеге келген. Ұлты-қазақ. 1990 жылы ОҚО Отырар ауданы, Қоғам ауылында «Қоғам» орта мектебінің 1 сыныбына барып, 2001 жылы 11 жылдық мектепті «үздік» аттестатпен бітіріп шыққан. 2001-2004 жылдар аралығында ОҚО Түркістан қаласындағы мемлекеттік «Түркістан гуманитарлық-техникалық» колледжді «Бастауыш сыныптарды оқыту» мамандығын бітіріп шыққан. 2010 жылынан бастап Академиялық инновациялық университетінде «Құқықтану» кафедрасында лаборант болып еңбек жолын бастаған.

2010 жылы ОҚО Шымкент қаласындағы Академиялық инновациялық университетіне «Бастауыш оқытудың педагогикасы және әдістемесі» мамандығына оқуға түсіп, 2013 жылы «білім» бакалавры академиялықдәрежесін алып шықты. 2013-2015 жылдар аралығында Аймақтық әлеуметтік-инновациялық университетінде магистратураның 6М030100-Құқықтану мамандығы бойынша білім алып, «заң ғылымдарының магистрі» академиялық дәрежесін алып шыққан. 2015-2018 жылдар аралығында Аймақтық әлеуметтік-инновациялық университетінің «Құқықтану» кафедрасына магистр, оқытушы қызметін атқараған. Аймақтық әлеуметтік-инновациялық университетінде «Құқықтану» мамандығы бойынша 2018-2020 жылдар аралығында білім алып, «құқық» бакалавры академиялық дәрежесін алған. 2018-2019 жылдары Халықаралық гуманитарлық-техникалық университетінің «Құқықтану» кафедрасына магистр, аға оқытушы қызметіне қабылданған. 2019 жылдан бастап Аймақтық әлеуметтік инновациялық университетінің «Құқықтану» кафедрасына магистр, аға оқытушы қызметін атқарған.2020-2024 жылдар аралығында Шымкент университетінің «Құқықтану» кафедрасында магистр, аға оқытушы қызметін атқарған. 2017 жылы Университеттің басшылық тарапынан атқарған жұмыстарым үшін, Қазақстан Республикасының Тәуелсіздігінің 26 жылдығына орай және 2022 жылы Тәуелсіздігіміздің 31 жылдығына орай алғыс хаттармен марапатталған. Жұмыс өтілі-15 жыл. Ғылыми- педагогикалық өтілі -10 жыл. Халықаралық ғылыми конференцияларда бірнеше мақалалары жарық көрген. Бірнеше оқу құралдары мен оқу- әдістемелік құралдарының авторы. 1 авторлық куәлік алған.