2026 жылғы 14-15 сәуір күндері Шымкент қаласындағы Аймақтық инновациялық университетінде «Қазіргі ғылымның дамуы: тәжірибе, мәселелер, болжамдар» тақырыбында халықаралық ғылыми конференция өтті.
Аталған іс-шара Қазақстан мен шетелдік жоғары оқу орындарының ғалымдарын, оқытушыларын, жас зерттеушілерін және білім алушыларын біріктірді. Конференция ғылыми идеялармен алмасуға, заманауи ғылымның өзекті мәселелерін талқылауға және болашақ даму бағыттарын айқындауға мүмкіндік беретін маңызды алаңға айналды.
Салтанатты ашылуы және пленарлық мәжіліс. Конференцияның ресми ашылуы университет басшылығының қатысуымен өтті. Ашылу барысында университет ректоры мен ғылыми жұмыс және халықаралық байланыстар жөніндегі проректор құттықтау сөз сөйлеп, жаһандық сын-қатерлер жағдайында ғылым, білім және инновацияның өзара ықпалдасуының маңыздылығын атап өтті.
Пленарлық мәжіліс аясында келесі бағыттар бойынша баяндамалар ұсынылды:
·  жасанды интеллект және оны білім беру мен ақпараттық жүйелерде қолдану;
·  экономиканың және инфрақұрылымның цифрлық трансформациясы;
·  Қазақстанның транзиттік әлеуетін дамытудың құқықтық аспектілері;
·  еңбек нарығы, мемлекеттік басқару және халықаралық ынтымақтастық мәселелері;
·  құрылыс, химиялық инженерия және автоматтандыру салаларындағы инновациялар.
Әсіресе, ғылыми-технологиялық прогрестің негізгі драйвері ретінде жасанды интеллекттің рөліне ерекше назар аударылды.
Секциялық отырыстар: пәнаралық ықпалдастық. Конференция жұмысы әртүрлі ғылыми бағыттарды қамтыған секциялар арқылы жалғасты:

• Есептеу техникасы және бағдарламалық қамтамасыз ету – білім беруді цифрландыру, бұлттық технологиялар, биоинформатика;
• ·Құқықтану – құқықтық реттеу, адам құқықтарын қорғау және сыбайлас жемқорлыққа қарсы саясат;
• ·Экономика және қаржы – цифрлық трансформация және экономикалық болжам;
• ·Құрылыс және сәулет – инновациялық технологиялар мен энергия тиімді шешімдер;
• ·Химиялық инженерия және мұнай-газ ісі – өндірістік процестерді жетілдіру;
• ·Автоматтандыру және басқару – интеллектуалды жүйелер мен қауіпсіздік мәселелері;
• ·Дене тәрбиесі және спорт – заманауи білім беру тәсілдері мен цифрлық технологиялар.

Секциялар барысында қатысушылар ғылыми зерттеу нәтижелерімен бөлісіп, тәжірибе алмасып, инновациялық шешімдерді енгізу жолдарын талқылады.
Қорытынды. Конференция қорытындысы бойынша қатысушылар ұсынылған баяндамалардың ғылыми деңгейінің жоғары екенін және көтерілген мәселелердің өзектілігін атап өтті. Мұндай іс-шаралар:
·            ғылыми әлеуетті дамытуға;
·            жас ғалымдарды қолдауға;
·            ғылым, білім және өндіріс арасындағы байланысты нығайтуға;
·            инновациялық ортаны қалыптастыруға ықпал етеді.
Аталған халықаралық конференция университеттің ғылыми беделін арттырып, қазіргі ғылымның дамуына елеулі үлес қосты